राजेन्द्रप्रसाद पाण्डे धादिङ १ बाट प्रतिनिधि सभा सदस्यमा निर्वाचित
काठमाडौं । नेपाल कम्युनिष्ट पार्टी (एकीकृत समाजवादी) का नेता एवं बागमती प्रदेशका मुख्यमन्त्री राजेन्द्रप्रसाद पाण्डे प्रतिनिधि सभा सदस्यमा निर्वाचित भएका छन् ।
सत्ता गठबन्धनतर्फका धादिङ क्षेत्र नम्बर १ बाट साझा उम्मेदवार बनेका पाण्डेले एमालेका भूमिप्रसाद त्रिपाठीलाई पराजित गरेका हुन् ।
पाण्डेले ३५ हजार ९ सय ३४ मत प्राप्त गरेका थिए भने उनका निकटतम् प्रतिद्वन्दी एमालेका त्रिपाठीले २७ हजार ९ सय ५३ मत प्राप्त गरेका छन् । त्यस्तै, राष्ट्रिय स्वतन्त्र पार्टीका हिमेश पन्तले १२ हजार ५६ मत प्राप्त गरेका छन् ।
त्रिपाठी साेही क्षेत्रबाट २०७४ को निर्वाचनमा विजयी भएका थिए ।