सिन्धुपाल्चोकमा यात्रुवाहक बस अनियन्त्रित भई दुर्घटना

सिन्धुपाल्चोक । सिन्धुपाल्चोकको लिसंखुपाखर–५ स्थित उन्नाइस किलो भन्ने ठाउँमा यात्रुवाहक बस अनियन्त्रित भई दुर्घटनामा परेको छ ।

दुर्घटनामा परी ११ जना यात्रु घाइते भएका छन् भने घाइतेहरुलाई खाडीचौरस्थित सिन्धु सदाबहादर अस्पतालमा लगिएको प्रहरीले जनाएको छ ।

दुर्घटनामा परेको बा. ३ ख १७९५ नम्बरको यात्रुवाहक बसको ब्रेक फेल भई अनियन्त्रित भएको प्रहरीले बताएको छ । बसमा ३५ जना यात्रु सवार रहेका थिए ।