पूर्वविजेता फ्रान्सद्वारा डेनमार्क पराजित गर्दै अन्तिम १६ मा प्रवेश
कतार । फिफा विश्वकप २०२२ मा पूर्वविजेता फ्रान्सद्वारा डेनमार्क २–१ ले पराजित गर्दै अन्तिम १६ मा प्रवेश गर्ने पहिलो राष्ट्र बनेको छ ।
जारी विश्वकपको समुह ‘डी’ अन्तर्गको खेलको ६१औं मिनेटमा किलियन एम्बाप्पेको गोलमा फ्रान्सले अग्रता लिएको थियो ।
खेलको ६८औं मिनेटमा डेनमार्कका आन्द्रे क्रिस्टेनसेनले कर्नरमा हेडमार्फत गोल गरेपछि खेल पुनः १–१ को बराबरीमा आएको थियो ।
फ्रान्सका लागि ग्रिजम्यानको एसिस्टमा पुनः किलियन एम्बाप्पेले खेलको ८६औं मिनेटमा गोल गर्दै फ्रान्सलाई पुनः २–१ को अग्रता दिलाएको थियो । उक्त गोल नै निर्णायक गोल बन्न पुग्यो ।