इङ्ग्ल्याण्डले अब अन्तिम आठमा डिफेन्डिङ्ग च्याम्पियन फ्रान्सको सामना गर्ने
कतार । जारी फिफा विश्वकपमा इन्ङ्ग्ल्याण्डले अन्तिम आठ यानकी क्वार्टरफाइनलमा डिफेन्डिङ्ग च्याम्पियन फ्रान्सको सामना गर्ने भएको छ ।
आज भएको अन्तिम १६ अन्तर्गतको खेलमा फिफा वरियतामा १८ औं स्थानमा रहेको अफ्रीकन देश सेनेगललाई ३-० ले पराजित गर्दै इङ्गल्याण्ड अन्तिम ८ मा प्रवेश गरेको हो ।
खेलको ३८औं मिनेटमा जोर्डन हेन्दरसनको गोलबाट अग्रता लिएको इङ्गल्याण्डले पहिलो हाफको इन्जुरी समयमा कप्तान ह्यारी केनको गोलले २-० को अग्रता लिएको थियो । इङ्गल्याण्डका कप्तान ह्यारी केनको चालु विश्वकपमा पहिलो गोल हो । खेलको ५७औं मिनेटमा इङ्गल्याण्डका बुकायो साकाले गोल गर्दै ३-० को अग्रता दिलाएका थिए ।
अन्तिम ८ मा प्रवेश गरेका राष्ट्रहरूमा अर्जेन्टिनाले नेदरल्याण्डको समना गर्नेछ भने अब इङ्ग्ल्याण्डले डिफेन्डिङ्ग च्याम्पियन फ्रान्सको सामना गर्ने पक्का भएको छ ।
मंसिर १९ गते अन्तिम ८ मा प्रवेशका लागि ब्राजिलले दक्षिण कोरिया र जापानले क्रोएसियाको सामना गर्नेछ भने मंसिर २० गते स्पेनले मोरोक्कोको र पोर्चुगलले स्विटजरल्याण्डको सामना गर्नेछ ।