दक्षिण कोरियामाथि ब्राजिलको सहज जित, एशियन राष्ट्र सबै बाहिरियो
कतार । जारी फिफा विश्वकप २०२२ मा दक्षिण कोरियामाथि ब्राजिलले ४-१ को सहज जित निकाल्दा सबै एशियन राष्ट्र बाहिरिएको छ ।
खेलको ७औं मिनेटमा भिनिसियस जुनिएरको गोलबाट अग्रता लिएको ब्राजिलका लागि ११औं मिनेटमा पाएको पेनाल्टीलाई नेमारले गोलमा परिणत गर्दा अग्रता दोब्बर बनाएको थियो ।
२९औं मिनेटमा रिचार्लिसन र ३६औं मिनेटमा लुकास पक्वेटाले गोल गर्दा पहिलो हाफमा ४-० को अग्रता लिएको थियो ।
दोस्रो हाफको ७६औं मिनेटमा दक्षिण कोरियाका लागि सिउङ्ग-हो पाएकले सन्त्वना गोल गरेका थिए ।
दक्षिण कोरियाको पराजयसँगै एशिया महादेशबाट छनौट भएका सम्पूर्ण राष्ट्रहरू बाहिरिएको छ ।
ब्राजिलले अर्को चरणम अब क्रोएसियाको सामना गर्नेछ ।