राप्रपा र रवीन्द्र मिश्र पक्षवीच भयाे एकता
काठमाडौं । राष्ट्रिय प्रजातन्त्र पार्टी र विवेकशील साझा पार्टीका निवर्तमान अध्यक्ष रवीन्द्र मिश्र नेतृत्वको समूहवीच बुधबार एकता भएको छ । काठमाडौंको राष्ट्रिय सभागृहमा भएकाे एकता घोषणा कार्यक्रममा राप्रपा र मिश्र नेतृत्वको समुहवीच एकता घोषणा भएको हो ।
कार्यक्रममा राप्रपा अध्यक्ष राजेन्द्र लिङ्देन र मिश्रले एकता घोषणापत्रमा हस्ताक्षर गरेका छन् । यससंगै मिश्र राप्रपाको वरिष्ठ उपाध्यक्ष हुनेछन् भने मिश्रसँगै आएका अरु नेताहरुको कार्यसम्पादन समिति, पदाधिकारी र केन्द्रीय समितिमा समायोजन एक हप्ताभित्रमा टुंग्याइने बताइएकाे छ ।
साथै, प्रदेश लगायतका अन्य तहको समितिको समायोजनका लागि ४ सदस्यीय कार्यदल समेत बनाइएको छ ।