एकल नृत्य प्रतियोगितामा एभरेष्ट एकेडेमीकी यसोधा नेपाली प्रथम
बनेपा । बनेपा प्याब्सनकाे आयाेजनामा अन्त्तर स्कूल एकल नृत्य प्रतियोगिता २०७९ सम्पन्न भएकाे छ ।
शुक्रबार इसा मेमोरियल स्कूल बनेपामा भएकाे एकल नृत्य प्रतियोगितामा २० वटा विद्यालयकाे सहभागिता रहेकाे थियाे ।
प्रतियोगितामा एभरेष्ट एकेडेमीकी यसोधा नेपाली प्रथम, सिदार्थ सेकेन्डरी स्कूलकी स्मारिका तामाङ द्वितीय, ज्ञानकुञ्ज शैक्षिक प्रतिष्ठानकी एञ्जल कार्की तृतीय स्थान प्राप्त गर्न सफ भएका छन् । यस्तै, बिद्या सागर स्कूलकी सम्बृदी लम्सालले सान्त्वना स्थान प्राप्त गरेकी छन् भने लिन इन्टरनेशनल स्कूलले बेष्ट ड्रेसअप, एभरेष्ट एकेडेमीले बेष्ट कोरियोग्राफी र बेलर इन्टरनेशनल एकेडेमीले पपुलर डान्सकाे उपाधि प्राप्त गरेका छन् ।
काभ्रे प्याब्सनका अध्यक्ष श्यामबहादुर भुजेलकाे प्रमुख आतिथ्यतामा भएकाे कार्यक्रम इसा मेमोरियल स्कूल बनेपाका नारायण जोशीकाे संयोजकत्वमा भएकाे थियाे । कार्यक्रममा बाेल्दै कार्यक्रम संयोजक बनेपा प्याब्सनका नारायण जोशीले साना साना विद्यार्थी भाईबहिनीको प्रतिभालाई प्रस्फुटन गराउने उदेश्यले कार्यक्रम आयाेजना गरिएकाे बताउँदै आगामी दिनमा पनि अन्य कार्यक्रम हुने बताए ।
शरणकुमार मानन्धरले संचालन गरेकाे कार्यक्रम बनेपा प्याब्सनका अध्यक्ष कुमार मानन्धरकाे सभापतित्वमा भएकाे थियाे ।