बेलरमा एसिसिए संचालनकाे तयारी
बनेपा । काभ्रेपलान्चोक जिल्लाकाे बनेपामा रहेकाे बेलर इन्टरनेश्नल एकेडेमीमा एसिसिए संचालन हुने भएकाे छ । आइतबार विद्यालयमा आायाेजित दशैं, शुभ दिपावली एवं छठ पर्वको अवसरमा शुभकामना आदानप्रदान कार्यक्रममा बेलरले एसिसिएका कक्षा संचालनकाे तयारी भएकाे बताएकाे हाे ।
शुभकामना आदानप्रदान तथा संचारकर्मी भेटघाट कार्यक्रममा संस्थामा संचालन भईरहेका शैक्षिक गतिविधिका बारेमा जानकारी गराउदै नयाँ कार्यक्रमका बारेमा जानकारी गराईएकाे थियाे । संस्थाले काठमाडौं विश्वविद्यालयकाे सहकार्यमा व्याचलर इन प्रोफेशनल हस्पिटालिटीका साथै बिद्यालयस्तरमा प्लेग्रुपदेखि कक्षा १२ सम्म विभिन्न कार्यक्रम र त्रिभुवन विश्वविद्यालयकाे सम्बन्धनमा स्नातक तहका कार्यक्रम संचालन संचालन गर्दै आाएकाे छ ।
बेलरले नयाँ कार्यक्रमकाे रूपमा ब्राईजवाटर एकेडेमी अफ फाइनान्स एण अक्काउनटिङ्गकाे सहकार्यमा चार्टड एकाउन्टिङ्गसंग सम्बन्धित एसिसिएकाे कार्यक्रम संचालन गर्ने बताएकाे छ । कार्यक्रममा बाेल्दै प्रिन्सिपल इन्दु थापाले अब जिल्लामा नै एसिसिएकाे कक्षा संचालनले बिद्यार्थीहरू अध्ययनकाे लागि जिल्ला बाहिर जानू पर्ने बाध्यता घटेकाे र अभिभावकलाई पनि आर्थिक पक्षले सहजीकरण भएकाे बताईन । शुभकामना आदानप्रदान कार्यक्रम संस्थाका अध्यक्ष भोला थापाकाे अध्यक्षतामा भएकाे थियाे ।