प्याब्सन बनेपाको तेस्रो नगर अधिवेशन सम्पन्न
धुलिखेल / निजी तथा आवासीय विद्यालय अर्गनाइजेशन नेपाल (प्याब्सन) बनेपाको तेस्रो नगर अधिवेशन होटल सारथी धुलिखेलमा भब्यताका साथ सम्पन्न भएको छ ।
मंगलबार भएको उक्त अधिवेशनबाट संस्थागत विद्यालयको अवसर र चुनौतीसँगै कसरी उत्कृष्ट शिक्षा प्रदान गर्ने भन्ने विषयमा छलफल भएको बनेपा प्याब्सनका सचिव एवं कार्यक्रम संयोजक शरणकुमार मानन्धरले बताए । अधिवेशनमा विशेष अतिथि हिरा शर्मा नेपाल, पूर्णकुमार श्रेष्ठ, श्रीकृष्ण श्रेष्ठ, श्याम बहादुर भुजेल, सरोज न्यौपाने, महेन्द्र थिङ्गले प्याब्सन र उत्कृष्ट शिक्षामा विद्यालयको भूमिका र चुनौतीका सम्बन्धमा आआफ्नो धारणा व्यक्त गरेका थिए ।
बिभिन्न विद्यालय, प्रकाशन तथा संस्थाका प्रमुखहरू सहभागी रहेको उक्त अधिवेशनबाट विद्यालयको भेटघाटले एकअर्कामा अत्मियता बढाएको प्याब्सन काभ्रेका कोषाध्यक्ष एवं कार्यक्रम संयोजक नारायण जोशीले बताए । अधिवेशन केन्द्रीय प्याब्सनका उपमहासचिव भिमसेन केसीको प्रमुख आतिथ्यता एवं बनेपा प्याब्सन अध्यक्ष कुमार मानन्धरको सभापतित्वमा सम्पन्न भएको भयो ।