रेडक्रस काभ्रे शाखाकाे पदस्थापन सम्पन्न

बनेपा । नेपाल रेडक्रस सोसाइटी काभ्रेपलान्चोक जिल्ला शाखाको नवनिर्वाचित पदाधिकारीहरुको पदस्थापना भएकाे छ । बुधवार बनेपास्थित शाखाकाे कार्यलयमा नवनिर्वाचित पदाधिकारीहरुको पदस्थापना भएकाे हाे । गत शुक्रबार भएको निर्वाचनमा नेपाली कांग्रेस र नेकपा (एकिकृत समाजवादी) काे प्यानल नै विजयी भएकाे थियाे । निर्वाचनबाट रघुनाथ हुमागाई अध्यक्षमा निर्वाचित भएका हुन्। शाखाकाे उपसभापतिमा दवेन्द्रप्रसाद भैल, महिला उपसभापतिमा पुण्यमती घले, मन्त्रीमा हेमलाल तामाङ, उपमन्त्रीमा राजु सिग्देल, कोषाध्यक्षमा प्रेमकुमार तामाङ, उपकोषाध्यक्षमा निलम श्रेष्ठ निर्वाचित भएका हुन् । यस्तै, महिला सदस्यमा पार्वती थापा, सुभद्रादेवी गुरागाईं र गीता तिमल्सिना निर्वाचित सदस्यहरुमा क्रमश: अनन्तकृष्ण श्रेष्ठ, देविप्रसाद नेपाल, नवराज दुलाल, ज्ञानबहादुर तामाङ, पुस्कर प्रसाद तिमल्सिना, कृपेन्द्र श्रेष्ठ र भोटु हुमागाईं निर्वाचित भएका छन् । पदस्थापना कार्यक्रममा बाेल्दै अध्यक्ष हुमागाईले अबकाे दिनमा शाखालाई एउटा स्थानमा पुर्याउने बताएका छन् ।