न्युरोड जुद्ध शलिक नजिकै एक पुरुष मृत फेला
काठमाडौं । काठमाडौं–२४ न्युरोडको जुद्ध शालिक नजिकै एक जना पुरूष मृत फेला परेको छ ।
मंगलबार बिहान ७ बजे आसपास सडकमा कुच्चो लगाउन आएका मानिसले पुरूष मृत फेला परेपछि प्रहरीलाई खबर गरेको जिल्ला प्रहरी परिसर काठमाडौंका एसपी दिनेशराज मैनालीले जानकारी दिए ।
अन्दाजी ४५ वर्षीय पुरूषको हालसम्म पहिचान नखुलेपनि उनी ज्याला मजदुरी गर्ने व्यक्ति भएको आशंका गरिएको छ ।
मृतकको निधारमा चोट पनि देखिएको छ । त्रि.वि. शिक्षण अस्पताल महाराजगन्जका फरेन्सिक चिकित्सकसमेत घटनास्थलमा पुगेका थिए भने केन्द्रीय प्रहरी केनाइन कार्यालय महाराजगन्जबाट तालिम प्राप्त कुकुरसमेत खटाइएको थियो ।