साविक विजेता फ्रान्सको विश्वकपमा विजयी सुरुवात
कतार । सन् २०१८ को फिफा विश्वकप विजेता फ्रान्सले विजयी सुरुवात गरेको छ ।
हिजो मध्यराति भएको फ्रान्सको पहिलो खेलमा अष्ट्रेलियामाथि ४–१ को सहज जित निकालेको हो । खेलको ९ औं मिनेटमा गोल गुडविनले गोल गर्दै अष्ट्रेलियालाई अग्रता दिलाएको थियो ।
खेलको २७ आंै मिनेटमा फ्रान्सका र्याबिवटले गोल गरेपछि खेल १–१ को बराबरीमा ल्याएको थियो । त्यसको ५ मिनेटपछि गिराउडले गोल गर्दा फ्रान्स २–१ ले अगाडि बढेको थियो । पहिलो हाफमा २–१ को अग्रता लिएका फ्रान्सका लागि ६८ आंै मिनेटमा एम्बाप्पेले गोल गरेर ३–१ ले अग्रता लिएको थियो ।
खेलको ७१ औं मिनेटमा पुनः गिराउडले गोल गरेपछि फ्रान्सले उक्त खेल ४–१ ले जितेको छ । यो जितसँगै फ्रान्स तालिकाको शीर्षस्थानमा ३ अंक सहित पुगेको छ भने उनले आगामी खेलमा ट्युनिसिया र डेनमार्कको सामना गर्नेछ ।