चार पटकको विश्वकप विजेता जर्मनी विरुद्ध मैदानमा उत्रिँदै जापान
कतार । कतारमा जारी फिफा विश्वकपमा चार पटकको विश्वकप विजेता जर्मनी विरुद्ध खालिफा स्टेडियममा जापान मैदान उत्रिदैछ ।
फिफा विश्व बरियतामा जर्मनी ११ औं स्थानमा रहेको छ भने २४ औं स्थानमा जापान रहेको छ । यी दुई राष्ट्रको भेट विश्वकपमा पाँचौ पटक हो । यस अघिको चारपटकको भेटमा दुई खेलमा जर्मनीले जितेको थियो भने दुई खेल बराबरीमा टुङ्गिएको थियो ।
वर्ष ३३ का १० विश्वकप गोलकर्ता र सन् २०१४ का सर्वाेत्कृष्ट ११ मा पर्न सफल थोमस मुलरसँगै इल्काए गुन्डोगन, जोसुआ किमिच र जमल मुसिआलाका साथ जर्मनी मैदान उत्रिनेछन् । सन् २०१८ मा समुह चरणबाटै घर फर्र्किएको जर्मनीले कतारमा उत्कृष्ट खेल देखाउने लक्ष्य राखेको छ ।
यता एशियाकै उत्कृष्ट जापान दाइची कमादा, काउरो मिटोमा र ताकुमी मिनामिनोका साथ मैदान उत्रिनेछन् ।
खेल नेपाली समयानुसार साँझ ६ः४५ बजे सुरु हुनेछ ।