१९ वर्ष मुनिको राष्ट्रिय क्रिकेट प्रतियोगितामा बागमतीको विजयी सुरुवात
काठमाडौं । काठमाडौंमा आजबाट सुरु भएको १९ वर्ष मुनिको राष्ट्रिय क्रिकेट प्रतियोगितामा बागमतीले विजयी सुरुवात गरेको छ ।
कीर्तिपुरको त्रिभुवन विश्वविद्यालय अन्तर्राष्ट्रिय क्रिकेट खेल मैदानमा आज भएको पहिलो एकदिवसीय खेलमा बागमतीले ४८ ओभर १ बमा २९३ रन बनाएको थियो । जसका लागि उत्तम थापामगरले ८७ र योगेश भटले ५२ रनको योगदान दिएका थिए भने गण्डकीका लागि निर्तेश गिरी र सुदिप अर्यालले समान ३–३ विकेट लिएका थिए ।
जवाफी ब्याटिङ्गमा गण्डकीले ४५ ओभर ४ बलमा २१९ रन मात्र बनाउन सक्यो । गण्डकीका लागि अर्जुन कुमालले ९८ र सिर्विन श्रेष्ठले २१ रन बनाएका थिए । बागमतीका लागि अशोक पौडेलले ३ र सक्रिय कार्कीले २ विकेट लिएका थिए ।
खेलमा बागमतीले गण्डकीलाई ७४ रनले पराजित गरेको हो ।