एशियाकै उत्कृष्ट जापानद्वारा जर्मनी २–१ ले पराजित
कतार । जारी फिफा विश्वकप २०२२ मा एशियाकै उत्कृष्ट जापानद्वारा जर्मनी २–१ गोल अन्तरले पराजित भएको छ ।
सन् २०१८ को विश्वकपमा समुह चरणबाटै बाहिरिएको जर्मनीले यसपटकको विश्वकपको पहिलो खेलमा हार व्यहोरेको छ ।
खेलको ३३ औं मिनेटमा पेनाल्टी मार्फत गुन्डोगनले गोल गर्दै जर्मनीलाई अग्रता दिलाएका थिए । जापानीज गोलकिपरको उत्कृष्ट प्रदर्शन रहँदा रहँदै खेलको ७५ औं मिनेटमा डोआनको गोलले जापानले १–१ को बराबरी गरेको थियो ।
खेलको ८३ औं मिनेटमा असानोले थप १ गोल गर्दै जापानलाई २–१ को अग्रता दिलाएको थियो । उक्त गोल निर्णायक गोल बन्न पुग्यो ।
जितसँगै जापान समुह ‘ई’ को शीर्षस्थानमा पुगेको छ । उक्त समुहमा स्पेन र कोस्टारिका रहेको छ ।