गोल्डेन जेनेरेशनको बेल्जियमविरुद्ध दोस्रो पटक विश्वकप खेल्ने क्यानडा भिड्दै
कतार । फिफा विश्वकप अन्तर्गत आज राति १२ः४५ बजे बेल्जियमविरुद्ध क्यानडा मैदान उत्रिँदैछ ।
गोल्डेन जेनेरेशनको टिम मानिने बेल्जियम गत विश्वकपमा फ्रान्ससँग पराजित भएको थियो भने युरोकपमा इटालीसँग हार व्यहोरेको थियो ।
बेल्जियममा स्टार खेलाडीहरुमा इडेन हजार्ड, रोमेलु लुकाकु, केभिन डी ब्रुन र थिबट कुर्टाेज् रहेका छन् ।
यसअघि एकपटक मात्र आमनेसामने भएकोमा सन् १९८९ मा बेल्जियम २–० ले जितेको थियो ।
पछिल्लो दुई खेलमा नेदरल्यान्ड्स र इजिप्टसँग पराजित भएको बेल्जियम उदासीन रुपमा विश्वकपमा प्रवेश गरेको छ । क्यानडाले पनि पछिल्ला पाँच खेलमध्ये दुई मात्र जितेको छ ।