माओवादी केन्द्रका शक्तिबहादुर बस्नेत ९ हजार ३१ मतान्तरले विजयी
काठमाडौं । प्रतिनिधि सभा सदस्य निर्वाचन २०७९ अन्तर्गत जाजरकोटबाट नेपाल कम्युनिष्ट पार्टी (माओवादी केन्द्र) का शक्तिबहादुर बस्नेत विजयी भएका छन् ।
नेपाल कम्युनिष्ट पार्टी (माओवादी केन्द्र)का उपमहासचिव समेत रहेका बस्नेत २०७० काे निर्वाचनमा जाजरकाेट क्षेत्र नम्बर १ र २०७४ काे निर्वाचनमा पनि जाजरकोटबाट निर्वाचित भएका थिए ।
सत्ता गठबन्धनका साझा उम्मेदवार बस्नेत नेकपा एमालेका उम्मेदवार निरजप्रसाद आचार्यलाई ९ हजार ३१ मतान्तरले पराजित गरी विजयी भएका हुन् । बस्नेतले ३४ हजार १ सय ५१ मत प्राप्त गरेका छन् भने उनका निकटतम् प्रतिस्पर्धी आचार्यले २५ हजार १ सय २० मत पाएका छन् ।