बागमती प्रदेशसभाको उपसभामुखमा सत्तारुढ गठबन्धनकी अप्सरा चापागाईं निर्वाचित
हेटौंडा । बागमती प्रदेशसभाको साेमबार भएको उपसभामुखकाे निर्वाचनमा अप्सरा चापागाई निर्वाचित भएकी छन् ।
बागमती प्रदेशसभाको उपसभामुखकाे निर्वाचनमा सत्तारुढ गठबन्धनकी उम्मेदवार चापागाईंले ६१ मत पाएर निर्वाचित भएकी हुन् ।
उपसभामुखमा ३ जनाको उम्मेदवारी परेको थियो । उम्मेदवारी प्रस्तावहरु क्रमैसँग प्रदेशसभामा प्रस्तुत गर्ने क्रममा एमालेकी चापागाई उपसभामुखमा निर्वाचित भएपछि नेपाली कांग्रेसकी उम्मेदवार सुना परियारलाई निर्वाचित गरियाेस् भन्ने प्रस्तावमाथि छलफल नै भएन ।
उपसभामुखकाे निर्वाचनमा नेपाल मजदुर किसान पार्टीकी गीता काफ्लेले ३ मत प्राप्त गरेकी हुन् । बागमती प्रदेशका ११० मध्ये १०८ जना सांसद मतदान प्रक्रियामा सहभागी भएका थिए ।