गणतन्त्र दिवस मनाइँदै

काठमाडौं । आज देशभर गणतन्त्र दिवस मनाइँदैछ ।

जननिर्वाचित पहिलो संविधानसभाबाट २०६५ जेठ १५ गते निरंकुश राजतन्त्रको अन्त्य गर्दै नेपालमा सङ्घीय लोकतान्त्रिक गणतन्त्रात्मक शासन व्यवस्था प्रारम्भको घोषणा भएको दिनलाई गणतन्त्र दिवसको रूपमा मनाउने गरिएको छ । विभिन्न कार्यक्रम आयोजना गरी आज गणतन्त्र दिवस मनाइँदैछ ।

गणतन्त्र दिवसको अवसरमा सैनिक मञ्च टुँडीखेलमा विशेष समारोह आयोजना हुँदैछ । सरकारले आज सार्वजनिक विदा दिएको छ ।