मेरो भ्वाइस युनिभर्समा काभ्रेका शरद जिताउन अभियान तीब्र
काभ्रेपलान्चोक । ‘मेरो भ्वाइस युनिभर्स’ को फाइनलिस्टमा प्रवेश गरेका शरद हुमागाईंले दर्शकको माया र साथकाे कारण आफू टप ५ मा फाइनलिस्ट हुन सफल भएको बताएका छन् ।
शनिबार गृह जिल्ला काभ्रेपलाञ्चोकमा आयाेजित शरद हुमागाईं जिताऔ अभियानलाई थप सशक्त बनाउन आयाेजना गरिएकाे पत्रकार सम्मेलनमा बाेल्दैं उनले सबैले माया र साथ दिएर आफूलाई मेरो भ्वाइस युनिभर्समा विजयी बन्न सहयोग गर्नुहुन्छ भन्नेमा आफू विस्वस्त रहेको बताएका छन् ।
पनाैती नगरपालिका वडा नम्बर २ कुशादेवीका शरद हुमागाईंलाई गृह जिल्लामा भव्य स्वागत गर्दै जिल्लाका सरकारी निकायका प्रतिनिधि, राजनीतिज्ञ, सञ्चारकर्मी, शुभचिन्तक एवं स्थानीयहरुले भव्य स्वागत गरेका थिए ।
काभ्रेकाे प्रतिनिधित्व गर्दै इन्ट्रा नेशनल वेल्फेयर एण्ड सपोर्ट फाउण्डेशस अमेरिकाको आयोजनामा भएको ‘मेरो भ्वाइस युनिभर्स’ काे फाइनालिस्टमा दोस्रो लोकप्रिय मतसँगै आफूलाई सुरक्षित गर्न हुमागाईं सफल भएका हुन् । ‘मेरो भ्वाइस युनिभर्स’ को फाइनाल आगामी भाद्र २ गते ललितपुरकाे गोदावरी स्थित अन्तराष्ट्रिय सम्मेलन केन्द्रमा साँझ ५ बजेदेखि हुने जनाइएको छ । कार्यक्रमकाे विजेताले १ करोड जित्नेछन् ।
पनौती २ कुशादेवीका हुमागाईले विश्वका ५२ देशबाट छनौट भएका प्रतिस्पिर्धिहरुसंग प्रतिस्पर्धा गर्दै टप ५ मा फाइनलिस्ट हुन सफल भएका हुन् । कार्यक्रमको अन्तिम चरणमा प्रवेश गरेका उनलाई विजयी बनाउन मतदान गर्नुपर्ने हुन्छ । उनलाई विजेता बनाउन आइतबार दिउँसो २ बजे सम्म मतदान गर्नु पर्ने हुन्छ । हुमागाईंलाई मतदान गर्नकाे लागि माइ इन्ट्रा एप र मेरो भ्वाइस युनिभर्स भोटिङ वेभपेजबाट समेत मतदान गर्न सकिन्छ ।
साथै, आफूलाई मतदान गरेर विजयी गराउनकाे लागि शरदले सम्पूर्णमा आग्रह गरेका छन् ।