ज्ञानकुञ्जले गर्यो मनसुन डान्स पार्टी
बनेपा । बनेपामा रहेकाे ज्ञानकुञ्ज शैक्षिक प्रतिष्ठानले मनसुन डान्स पार्टी गरेकाे छ ।
गुणस्तरीय शिक्षाका साथसाथै अतिरिक्त क्रियाकलापको पनि आवश्यक रहेकाे भन्दै प्रतिष्ठानले मनसुन डान्स पार्टी आयोजना गरेको हाे । प्रतिष्ठानले प्रत्यक वर्ष मनसुन डान्स पार्टीकाे आयोजना गर्दैं आएकाे छ ।
विविध सांस्कृतिक कार्यक्रमसहित ३ चरणमा भएको मनसुन डान्स पार्टी कार्यक्रममा कक्षा ११ देखि स्नाकोत्तर तह सम्मका विद्यार्थीहरुको उपस्थित रहेको थियो । शनिबार आयाेजित साेही कार्यक्रममा बाेल्दै विद्यार्थी संगिता तामाङ्गले यस्ता किसिमको कार्यक्रमले विद्यार्थीहरुको चौतर्फी विकासको निमित्त महत्वपूर्ण भूमिका रहने बताएकी छिन् ।
ज्ञानकुञ्ज शैक्षिक प्रतिष्ठानका अध्यक्ष सुरकृष्ण बैद्यको अध्यक्षतामा भएकाे कार्यक्रममा प्रतिष्ठानका सञ्चालक एवमं प्रबन्ध निर्देशक प्रताप वैद्यले स्वागत मन्तव्य राखेका थिए । प्रतिष्ठानका अध्यक्ष बैद्यले विद्यार्थीहरुलाई पढाईको साथ साथै अन्य क्षेत्रहरुमा पनि प्रतिष्पर्धामा क्षमता हाशिल गर्न सामाजिक, सांस्कृतिक, खेलकुद लगायतका समाजमा प्रत्यक्ष सरोकार राख्ने विभिन्न प्रकारका कार्यक्रमहरु संचालन गर्दै जाने बताए ।