पनौतीमा रोकी राखेको बोलेरोमा स्कुटर ठोकिँदा एककाे मृत्यु
पनौती । काभ्रेकाे पनौतीमा रोकी राखेको बोलेरोमा स्कुटर आफै ठोकिन जादाँ दुर्घटना भई स्कुटरमा सवार एक जनाकाे मृत्यु भएकाे छ ।
पनौती १० दाहालटार स्थित रोकी राखेको बा ७ च ६२७७ नम्बरको बोलेरोमा पनौतीबाट दाहालटार तर्फ जादै गरेको बा ६५ प ७१३९ नम्बरको स्कुटर आफै ठोकिन जादाँ स्कुटर चालक पनौती ७ बसपार्क बस्ने वर्ष १६ काे ईरोज ताम्राकारको उपचारको क्रममा धुलिखेल अस्पतालमा मृत्यु भएकाे जिल्ला प्रहरी कार्यालय काभ्रेले जनाएकाे छ ।
यस्तै, स्कुटरमा पछाडी सवार पनौती ७ ठाडोबाटो बस्ने वर्ष १७ को सुबोध श्रेष्ठकाे अवस्था सामान्य रहेकाे जनाईएकाे छ ।
बोलेरो र स्कुटर दुबै सवारी साधन ईलाका प्रहरी कार्यालय बनेपाको नियन्त्रणमा रहेकाे प्रहरीले बताएकाे छ ।