कप्तानको अर्धशतकमा नेपाल ७ विकेटले विजयी
मुलपानी । आजबाट सूरू भनेको त्रिकोणात्मक टीट्वाण्टी सिरिजमा नेपालले युएई माथि ७ विकेटले जित हात पारेको छ ।
टस जितेर पहिले फिल्डिङ रोजेको नेपालले युएईलाई निर्धारित २० ओभरमा १४१ रनमा रोक्न सफल भएको थियो । युएईको लागि बसिल हमिदले ५१ र अल नसिरले ३२ रन बनाएका थिए भने नेपालको लागि करण के.सी.ले ३ र गुल्सन झाले २ विकेट लिएका थिए ।
जवाफी ब्याटिङ्गमा नेपालको तर्फबाट कुसल भुर्तेलले १४, असिफ सेखले २३ र कुशल मल्लले ११ रन बनाएका थिए ।
नेपाली कप्तान रोहित कुमार पौडेल (४० बलमा अविजित ५१ रन) र दीपेन्द्र सिं ऐरी (२३ बलमा अविजित ३४ रन) ले चौंथो विकेटको लागि ९३ रनको साझेदारीमा खेल जिताएका थिए ।
सिरिज अन्तर्गत भोलि बिहान ११ बजे नेपालले हङ्गकङ्गको सामना गर्नेछ ।