म्यानचेष्टर युनाइटेडको घरेलु मैदानमा सिटीको जित
ओल्ड ट्राफोर्ड । इङ्गलिस प्रिमियर लिग अन्तर्गत आज भएको खेलमा म्यानचेष्टर युनाइटेडको घरेलु मैदानमा म्यानचेष्टर सिटीले ३-० को जित हासिल गरेको छ ।
युनाइटेडको घरेलि मैदान ओल्ड ट्राफोर्डमा भएको खेलमा सिटीले २६ औं मिनेटमा पाएको पेनाल्टीमा एर्लिङ्ग हल्याण्डले गोल गर्दै १-० को अग्रता दिलाएको थियो ।
दोस्रो हाफको ४९ औं मिनेटमा पुन: हल्याण्डले गोल गरेका थिए भने ८० औं मिनेटमा फोडेनले गोल गरेका थिए ।
युनाइटेडमाथि ३-० को जित हात पार्दै यो सिजनमा सिटीले १० मध्ये ८ मा जित निकाल्दै हाल अंक तालिकाको २४ अंक सहित तेस्रो स्थानमा पुगेको छ ।
अंक तालिकाको शीर्षस्थानमा २६ अंक सहित टोटनह्याम रहेको छ भने म्यानचेष्टर युनाइटेड १५ अंक सहित आठौं स्थानमा रहेको छ ।
यसअघिको खेलमा लिभरपुलले नटिङ्गह्याम फोरेस्टलाई ३-० ले पराजित गरेको थियो ।