कर्मचारी र प्रहरीकाे मैत्रीपूर्ण फूटबल प्रतियोगितामा प्रहरी विजयी
रोशी । काभ्रेको रोशी गाउँपालिकाका कर्मचारी र इलाका प्रहरी कार्यालय मंगलटारका प्रहरीहरुवीच मैत्रीपूर्ण फूटबल प्रतियोगिता भएकाे छ ।
शुक्रबार रोशी गाउँपालिका ५ पोटाखोला दोभानको खेलमैदानमा भएको कर्मचारी र प्रहरीकाे मैत्रीपूर्ण फूटबल प्रतियोगितामा प्रहरीको टिम विजयी भएकाे हाे ।
शुभदिपावली, छठ तथा नेपाल संवतको अवसरमा आयोजित प्रतियोगितामा प्रहरीले २ गोल गरी विजयी भएकाे हाे भने कर्मचारीकाे तर्फबाट १ गोल गरि पराजित भएकाे हाे ।६० मिनेटको खेलमा १-१ गोललले बराबरी भएपछि ७ मिनेट अतिरिक्त समय थप गरेको थियो । सो अतिरिक्त समयमा प्रहरीले एक गोल थप गरि विजयी भएकाे हाे ।
प्रतियोगितामा विजयी प्रहरीको टिमलाइ जिल्ला समन्वय समिति काभ्रेका उप-प्रमुख रिमबहादुर तामाङ, रोशी गाउँपालिकाका अध्यक्ष दिनेश लामा, उपाध्यक्ष मिमबहादुर वाइबा लगायतले बधाइ ज्ञापन गरेका थिए ।