आर्थिक प्रलोभनमा पार्न खोज्ने प्रहरीकाे नियन्त्रणमा
काभ्रेभन्ज्याङ । प्रहरीले काभ्रेको काभ्रेभन्ज्याङबाट आर्थिक प्रलोभनमा पार्न खोज्ने रोशीका सानुकान्छा तामाङलाई नियन्त्रणमा लिएकाे छ ।
धुलिखेल नगरपालिका ११ अस्थायी प्रहरी पोष्ट काभ्रेभन्ज्याङ अगाडि ट्राफिक प्रहरी सहितको संयुक्त चेकिङमा धुलिखेलबाट भकुण्डे जादै गरेको बा.प्र.०२-०३७ प ०९९७ नम्बरको स्कुटीलाई चेकिङको क्रममा सवारी चालक अनुमति पत्र माग्दा पटक- पटक मेरो लाईसेन्स यो हो भनि बिलबुक भित्र १ हजार राखी डिउटीमा खटिएको प्रहरी कर्मचारीलाई आर्थिक प्रलोभन देखाई प्रभावमा पारी कर्तव्यपथबाट बिचलित गर्न दुरुत्साहान गरेकाे भन्दै काभ्रेको रोशी गाउँपालिका ८ बस्ने वर्ष ५९ को सानुकान्छा तामाङलाई स्कुटी सहित पक्राउ गरिएकाे जिल्ला प्रहरी कार्यालय काभ्रेले जनाएकाे छ ।
जिल्ला प्रहरी कार्यालय काभ्रेका अनुसार साे बारे थप अनुसन्धान भईरहेको छ ।