काभ्रेकाे राेशीबाट अबैध रुपमा ल्याएको चिनि बरामद
मंगलटार । प्रहरीले काभ्रेकाे राेशीबाट अबैध रुपमा लुकाई छिपाई ल्याएको चिनि बरामद गरेकाे छ ।
काभ्रेकाे रोशी गाउँपालिका ९ मंगलटार प्रहरी चेक पोष्ट स्थितमा प्रहरी चेकिङ टोलिले चेक जाँच गर्ने क्रममा संङखुवासभा खादबारीबाट काठमाडौं तर्फ आउदै गरेको बा.प्र.०३-००१ख १९६६ नम्बरको बसलाई चेकजाँच गर्ने क्रममा उक्त बसको हुट र डिकिमा अबैध रुपमा लुकाई छिपाई ल्याएको ३३ बोरा चिनि बरामद गरिएको जिल्ला प्रहरी कार्यालय काभ्रेले जनाएकाे छ ।
चेकजाँच गर्ने क्रममा प्रहरीले अन्दाजी १ हजार ६ सय ५० किलाे बराबरको चिनि बरामद गरेकाे हाे ।
जिल्ला प्रहरी कार्यालय काभ्रेका अनुसार उक्त बस र चालकलाई नियन्त्रणमा लिई थप अनुस्धान कार्य भईरहेको छ ।