नवविवाहित जोडीलाई बुद्ध एयरले पोखराको दुईतर्फी टिकट उपहार
काठमाडौं । नवविवाहित जोडीलाई बुद्ध एयरले पोखराको दुईतर्फी टिकट उपहार दिने भएको छ ।
नवविवाहित जोडीले उपहार प्राप्त गर्नको लागि भने बुद्ध एयरबाट यात्रा गरेको हुनुपर्छ भने बुद्ध एयरको विमान भित्र वा अगाडी खिचिएको आफ्नो विवाहको फोटो आफ्नो विशेष दिनमा विवाहको पहिरन लगाएर सेयर गर्नुपर्नेछ । साथै, सहभागीहरूले आफ्नो फोटो पोस्ट गर्दा #TogetherForever ह्यासट्याग प्रयोग गर्नुपर्ने हुन्छ ।
विवाह गन्तव्यले फरक नपार्ने; कुनै पनि क्षेत्रबाट योग्य हुने तर काठमाडौंदेखि पोखरा र पोखरादेखि काठमाडौंसम्मको निःशुल्क राउन्ड ट्रिप टिकटहरू प्राप्त गर्ने बुद्ध एयरले जनाएको छ ।
सबमिशनहरू नोभेम्बर १७, २०२३ देखि डिसेम्बर १६, २०२३ सम्म बोर्डिङ पास भएका सबै नेपाली नागरिकहरूका लागि खुला गरिएको छ भने यस पछिका मितिका प्रविष्टिहरू स्वीकार नगरिने बताइएको छ ।
उपहार प्राप्त गर्ने जोडीले इमेल पाएको १४ दिनभित्र बुद्ध एयरको मुख्य कार्यालयबाट टिकट लिइसक्नुपर्नेछ र उपहारको टिकट जितेको मितिदेखि २ महिनासम्म मान्य हुनेछ ।