हिज्जे प्रतियोगितामा उग्रचण्डी बोर्डिङ स्कुल र पनौती बोर्डिङ स्कुल प्रथम
भकुण्डे । काभ्रेको भकुण्डेमा रहेकाे ग्रामीण पाठशालाको आयोजना तथा राष्ट्रिय निजी तथा आवासीय विद्यालय एशोसिएशन (नेशनल प्याब्सन) काभ्रेकाे सह आयोजनामा काभ्रे जिल्ला स्तरीय अन्तर विद्यालय हिज्जे प्रतियोगिता सम्पन्न भएकाे छ ।
बुधबार ग्रामीण पाठशाला भकुण्डेको प्राङ्गणमा भएकाे उक्त हिज्जे प्रतियोगिता कार्यक्रम आधारभुत तह र माध्यमिक तह गरि दुई तहमा संचालन भएकाे थियाे ।
जस्मा आधारभुत तहमा उग्रचण्डी बोर्डिङ स्कुल नाला प्रथम, सेन्टलम एल्वम एकेडेमी पनौती द्वितीय र पनौती बोर्डिङ स्कुल तृतीय भएकाे थियाे । यस्तै, न्यु मोडेल एकेडेमी बनेपाले सान्त्वना स्थान प्राप्त गरेकाे थियाे भने माध्यमिक तह तर्फ पनौती बोर्डिङ स्कुल प्रथम, सेन्टलम एल्बम एकेडेमी द्वितीय र उग्रचण्डी बोर्डिङ स्कुल तृतीय हुन सफल भएकाे थियाे भने न्यु मोडेल एकेडेमीले सान्त्वना स्थान हासिल गरेकाे थियाे ।
प्रतियोगितामा प्रथम, द्वितीय, तृतीय र सान्त्वना स्थान प्राप्त गर्ने विद्यालयहरूलाई प्रमाणपत्र र शिल्डले पुरस्कृत गरिएकाे थियाे ।
ग्रामीण पाठशालाका प्रिन्सिपल विदुर शर्मा भण्डारीको अध्यक्षतामा भएकाे कार्यक्रम नेशनल प्याब्सन काभ्रेका अध्यक्ष अग्नि प्रसाद ज्ञावालीको प्रमुख आतिथ्यतामा भएकाे थियाे ।