पेट्रोल र डिजेलको मुल्य घट्यो
काठमाडौँ । नेपाल आयल निगमले पेट्रोल र डिजेल/मट्टितेलकाे मुल्य घटाएको छ । निगमले पेट्रोल र डिजेल/मट्टितेलमा प्रतिलिटर एक–एक रुपैयाँ घटाएको हो ।
सोमबार इन्डियन आयल कर्पोरेसनबाट मूल्य घटेर आएपछि निगमले मुल्य घटाएको हाे । याेसँगै, मंगलबार बिहान १ बजेदेखि लागू हुनेगरी नेपाली बजारमा पनि मुल्य घटाएको छ ।
पेट्रोल र डिजेल/मट्टितेलकाे मुल्य घटेसँगै अब काठमाडौँ, पोखरा र दिपायलमा पेट्रोलको मूल्य प्रतिलिटर १६६ र डिजेलको मूल्य १५६ रुपैयाँ, सुर्खेत र दाङमा पेट्रोलको मूल्य प्रतिलिटर १६५ र डिजेलको मूल्य १५५ रुपैयाँ, चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगन्जमा पेट्रोलको मूल्य प्रतिलिटर १६३.५० र डिजेलको मूल्य १५३.५० रुपैयाँ कायम भएको निगमले जनाएको छ ।