इभेन्ट म्यानेजमेन्ट परामर्श सहित लोटस इभेन्ट एण्ड रिसेप्सन संचालनमा
बनेपा । काभ्रेपलाञ्चोक जिल्लाकाे बनेपा नगरपालिका वडा नम्बर ७ मा रहेकाे जिल्लाकै हालसम्मकै ठुलो लोटस इभेन्ट एण्ड रिसेप्सन प्रालि. संचालनमा आएको छ ।
जिल्लाकै एक उत्कृष्ट ‘ईभेन्ट म्यानेजमेन्ट भेन्यु’ का रूपमा परिचित गराउने उद्देश्यका साथ एकै पटक २ हजार ५ सय जनालाई सेवा उपलब्ध गराउने गरी लोटस इभेन्ट रिसेप्सन प्रालि संचालनमा आएकाे संचालक रामईन्द्र न्यौपानेले बताएका छन् ।
शुक्रवार आयाेजित पत्रकार भेटघाट कार्यक्रममा बाेल्दै संचालक न्यौपानेले जिल्लाकै एक उत्कृष्ट, गुणस्तरीय इभेन्ट, सभा सम्मेलन, गोष्ठी, मेलाजस्ता कार्यक्रम आयोजना गर्ने उपयुक्त गन्तब्य बनाउने उद्देश्यले स्थापना गरिएको बताए । उनले थपे- जिल्लामा रहेका विभिन्न जात जातीका धर्म, संस्कृतिमा आधारित सेवाग्राहीहरुको आवश्यकता अनुसारका सप्पूर्ण सेवाहरु निमन्त्रणा कार्ड, फोटोग्राफी, भिडियो र स्टिल क्यामेरा, ब्याण्ड बाजा, पुरोहित, ड्रेस डिजाईन, मेक अफ आर्टिस्ट लगायतका सेवा यहि उपलब्ध हुनेछन् । जिल्लामा यस्तो प्रकारको सेवा सहितको ब्यवस्थापन भएको पहिलो हो । करिब ९ रोपनी क्षेत्रफलमा नेपाली मौलिक कलासंस्कृति झल्कने १० हजार बर्ग फिटको सुविधा सम्पन्न हल तथा अन्य संरचनाहरु भुकम्प प्रतिरोधी रहेकाे र खाद्य स्वच्छता (गुणस्तरीय खाना) सहितको सेवाका लागि योग्यताप्राप्त सेफ सहितको टीम र सोहि अनुसारको भान्साको ब्यवस्था छ ।
संचालक रामईन्द्र न्यौपानेका अनुसार इभेन्ट म्यानेजमेन्ट अध्ययन सकेका विषय विज्ञहरुको समुहले कुनै पनि किसिमको इभेन्ट म्यानेजमेन्टका लागि परामर्श सेवा समेत उपलब्ध गराउने बताएका छन् । साथै, यस ईभेन्ट म्यानेजमेन्ट प्रा. लि. ले फरक र गुणस्तरीय सेवाहरु उपलब्ध गराउने प्रतिबद्धतासहित कार्यारम्भ गरिसकेकाे पत्रकार भेटघाट कार्यक्रममा बताईएकाे छ ।