७३ बोरा गाँजासहित ३ जना प्रहरीकाे नियन्त्रणमा
पनौती । काभ्रेपलाञ्चाेक जिल्लाकाे पनौतीबाट प्रहरीले ७३ बोरा गाँजा नियन्त्रणमा लिएकाे छ ।
पनौती नगरपालिका ५ आईटि पार्क स्थित पनौती बनेपा सडक खण्डमा प्रहरीकाे चेकिङ टोलिले सवारी चेक जाँच गर्ने क्रममा पनौतीबाट बनेपा तर्फ जाँदै गरेको बा ६ च २९६ नम्बरको डिआई गाडिमा चेकजाँच गर्दा उक्त गाडीमा लोड गरी ल्याएको अप्रशोधित गाँजा (भर्खर काटेको जस्तो हरियो देखिने) प्लाष्टिकको बिभिन्न साईजको ७३ बोरामा २ सय ८५ केजी गाँजा, गाडी सहित ३ जना मानिसहरुलाई नियन्त्रणमा लिएकाे जिल्ला प्रहरी कार्यालय काभ्रेपलानञ्चोकले जनाएकाे छ ।
प्रहरीले गाडी चालक नुवाकोट बिदुर नगरपालिका ११ घर भई हाल काठमाण्डौं बालाजु डेरा गरी बस्ने वर्ष ३५ को बुद्धमान तामाङ, रामेछापकाे रामेछाप नगरपालिका ८ घर भई हाल काठमाण्डौं बालाजु डेरा गरी बस्ने वर्ष २० को संजिब तामाङ र रामेछाप नगरपालिका ८ घर भई हाल काठमाण्डौं बालाजु डेरा गरी बस्ने वर्ष ५३ कि बिमला तामाङलाई नियन्त्रणमा लिएकाे छ ।
प्रहरीले गाँजा, गाडी सहित ३ जनालाई नियन्त्रणमा लिई ईलाका प्रहरी कार्यालय बनेपामा ल्याई अनुसन्धान कार्य भई रहेको जनाएकाे छ ।