पाँचखालमा सवारी दुर्घटना हुदाँ कार्कीकाे मृत्यु
पाँचखाल । काभ्रेपलाञ्चाेक जिल्लाकाे पाँचखालमा सवारी दुर्घटना हुदाँ सिन्धुपाल्चोकका मुरारी कार्कीकाे मृत्यु भएकाे छ ।
पाँचखाल नगरपालिका ८ पचास किलो स्थित अरनिको राजमार्ग सडक खण्डमा दोलालघाटबाट जिरो किलो तर्फ आउँदै गरेको बा.प्र. ०२-०३४ प. ३३२१ नम्बरकाे माेटरसाईकल आफै अनियन्त्रित भई बिपरित दिशाबाट आएको बा.३ ख.७२०४ नम्बरकाेको आईचर गाडि सँग ठोक्किई दुर्घटना भएको जिल्ला प्रहरी कार्यालय काभ्रेपलाञ्चोकले जनाएकाे छ ।
माेटरसाईकलमा सवार सिन्धुपाल्चोक जिल्ला ईन्द्रावति गाँउपालिका ७ बस्ने बस्ने वर्ष अन्दाजी २८ को मुरारी कार्कीकाे उपचारकै क्रममा धुलिखेल अस्पतालमा मृत्यु भएकाे र माेटरसाईकलकाे पछाडि सवार सिन्धुपाल्चोक ईन्द्रावति गाँउपालिका ७ बस्ने बर्ष अन्दाजी २८ को राजन दङ्गालाकाे दाहिने हात, खुट्टा र नाकमा चोट लागेकाे र बोल्न सक्ने अवस्थामा रहेकाे प्रहरीले जनाएकाे छ । दङ्गालकाे अवस्था मध्यम रहेकाे जनाईएकाे छ।
दुबै सवारी साधन र आईचर चालक काभ्रेपलाञ्चाेक भुम्लु गाँउपालिका ४ बस्ने अन्दाजी वर्ष २४ को पुर्ण बहादुर प्रहरीको नियन्त्रणमा रहेकाे जनाईएकाे छ ।
प्रहरीका अनुसार बाटो दुबै तर्फ सुचारु रहेको छ ।