वडा नम्बर ९ ले जित्यो चौथो मेयर कपको उपाधी
बनेपा । काभ्रेपलाञ्चोक जिल्लाकाे बनेपा नगरपालिकाको संयोजनमा वडा नम्बर ८ द्वारा आयोजित चौथो मेयर कप वडा स्तरीय फुटबल प्रतियोगिता-२०८० को उपाधि बनेपा नगरपालिका वडा नम्बर ९ ले प्राप्त गरेकाे छ ।
बनेपा नगरपालिका ५ स्थित नेपाल बनेपा बहुप्राविधिक शिक्षालयको खेल मैदानमा शनिवार भएको वडा नम्बर ८ र वडा नम्बर ९ वीचकाे फाईनल खेलमा बनेपा वडा नम्बर ८ लाई २-१ गोलको अन्तरले पराजित गर्दै वडा नम्बर ९ ले उपाधि प्राप्त गरेकाे हाे ।
प्रतियोगितामा उपाधिसँगै वडा नम्बर ९ ले नगद १ लाख, सिल्ड, मेडल र प्रमाणपत्र प्राप्त गरेको छ । यस्तै, उपविजेता वडा नम्बर ८ ले नगद ५० हजार, सिल्ड, मेडल र प्रमाणपत्र प्राप्त गरेको छ ।
फागुन १८ गतेदेखि संचालन भएको चौथो मेयर कप वडा स्तरीय फुटबल प्रतियोगिता-२०८० मा १४ वटै वडाकाे सहभागीता रहेकाे थियाे ।