नक्कली नोट सहित बेथानचोकका सबिन पक्राउ

बनेपा । काभ्रेपलाञ्चोक जिल्लाकाे बनेपाबाट प्रहरीले नक्कली नोट सहित एक जनालाई पक्राउ गरेकाे छ ।

जिल्ला प्रहरी परिसर ललितपुर र ईलाका प्रहरी कार्यालय बनेपाबाट खटिएको संयुक्त प्रहरी टोलीले बनेपा ५ स्थित H.M.Mobile Care Center मा खान तलासी गर्दा उक्त पसल संचालक काभ्रेपलाञ्चोक जिल्ला बेथानचोक गाउँपालिका ३ बस्ने वर्ष २५ को सबिन हुमागाईलाई नक्कली नोट सहित पक्राउ गरेकाे हाे ।

प्रहरीले कलर प्रिन्टर थान-१, Dell कम्पनीको Laptop थान-१, I phone मोवाईल थान-१, हजार दरका नक्कली नोट थान- ६९, पाँच सय दरका नक्कली नोट थान-१ र पैसा प्रिन्ट गर्ने फोटोकपी पेपर कागज १ रिम बरामद गरेकाे छ ।

हुमागाईलाई समेत पक्राउ गरी थप अनुसन्धान तथा कारवाहीको लागि जिल्ला प्रहरी परीसर कार्यालय ललितपुरमा पठाईएको जिल्ला प्रहरी कार्यालय काभ्रेपलाञ्चोकले जनाएकाे छ ।