घट्यो पेट्रोल र डिजेल/मट्टितेलकाे मूल्य
काठमाडौँ । नेपाल आयल निगमले पेट्रोलियम पदार्थको मूल्य घटाएको छ । निगमले पेट्रोलमा र डिजेल/मट्टितेलकाे मूल्य घटाएको हाे । नेपाल आयल निगमको सञ्चालक समितिको बैठकले पेट्रोलियम पदार्थको मूल्य घटाएको हो ।
इन्डियन आयल कर्पोरेसनबाट बुधबार प्राप्त नयाँ खरिद मूल्य अनुसार नेपालमा पेट्रोलमा प्रतिलिटर ७ र डिजेल/मट्टितेलमा प्रतिलिटर ५ रुपैयाँ घटाइएको हो । नयाँ मूल्य सूचीअनुसार काठमाडौं उपत्यकामा पेट्रोलको मूल्य १७१ रुपैयाँ कायम भएको छ भने डिजेल र मट्टितेलको मूल्य १५४ रुपैयाँ कायम भएको छ।
नयाँ मूल्य बिहिवार बिहान १ बजेदेखि लागु हुने निगमकाे विज्ञप्ति उल्लेख छ।