बनेपामा राष्ट्रिय बास्केटबल प्रतियोगिता हुदैं
बनेपा । काभ्रे बास्केटबल संघले राष्ट्रिय बास्केटबल प्रतियोगिता गर्ने भएकाे छ ।
संघले बिहीवार बनेपामा पत्रकार सम्मेलन गर्दै यही जेठ २६ गते एक दिवसीय “अल नेपाल 3×3 बास्केटबल प्रतियोगिता २०८१” आयोजना हुने बताएकाे छ । पत्रकार सम्मेलनमा प्रतियोगिताको उद्देश्य, तयारी, कार्य प्रणाली लगायतका बारेमा जानकारी गराईएकाे थियाे ।
प्रतियोगितामा २० भन्दा बढी टिमको सहभागीता रहने काभ्रे बास्केटबल संघका काेषाध्यक्ष एवं इभेन्ट म्यानेजर शिव थापा मगर बताए । उनले प्रतियोगितामा विजेता टिमलाई नगद २५ हजार रूपैयाँ र दोस्रो हुने टिमलाई १५ हजार रूपैयाँका साथै विभिन्न आकर्षक गिफ्ट भौचरहरु प्रदान गरिने बताउदैं प्रतियोगिता काभ्रेपलाञ्चोक जिल्लाकाे बनेपा स्थित ज्ञानकुञ्ज शैक्षिक प्रतिष्ठानमा आयाेजना हुने इभेन्ट म्यानेजर थापा मगरले बताएका छन् ।
प्रतियोगितामा सहभागी हुन ३ हजार दर्ता शुल्क तोकिएको आयाेजकले बताएकाे छ ।