सन्दीपले त्रि–देशीय टी–२० क्रिकेट नखेल्ने

काठमाण्डौ । नेपाली राष्ट्रिय क्रिकेट टोलीका स्पिन बलर सन्दीप लामिछानेले आगामी कात्र्तिक १ गतेदेखि शुरु हुने त्रि–देशीय टी–२० क्रिकेट नखेल्ने घोषणा गरेका छन् ।

नेपाल क्रिकेट सङ्घ (क्यान) ले नेपाल, यूएई र हङकङबीच श्रृंखलाको आयोजना गरेको तर लामिछानेले सामाजिक सञ्जालमार्फत् आफू कठिन परिस्थितिबाट गुज्रिरहेकोले खेलमा सहभागी हुन नसक्ने बताएका छन् ।

नेपालले आफ्नो पहिलो खेल कात्तिक १ गते यूएईसँग, दोस्रो खेल कात्तिक २ गते हङकङसँग खेल्नेछ । यस्तै, कात्तिक ४ गते फेरि हङकङसँग र कात्तिक ६ गते फेरि यूएईसँग खेल्नेछ ।

आगामी कात्र्र्तिक १ गतेदेखि शुरु हुने प्रतियोगिताको फाइनल खेल कात्तिक १० गते हुनेछ । समूह चरणका खेल मूलपानी क्रिकेट मैदानमा र फाइनल खेल त्रिवि क्रिकेट मैदान कीर्तिपुरमा हुनेछ ।