बेथानचोकमा बाेलेरो दुर्घटना हुदाँ ११ जना घाईते
बेथानचोक । काभ्रेपलान्चोक जिल्लाकाे बेथानचोक गाँउपालिका वडा नम्वर १ निगाले स्थित तालढुङ्गाबाट बेथानचोक तर्फ आउदै गरेको बा १४ च ७०७७ नम्बरको डबल क्याप बाेलेरो दुर्घटनामा परेको छ ।
बाेलेरो ब्रेक फेल भई सडकमा पल्टदा बाेलेरोमा सवार १८ जना भध्ये ११ जना घाईते भएकाे प्रहरीले जनाएकाे छ । घाईतेहरूकाे धुलिखेल अस्पतालमा उपचार भैरहेकाे छ ।
दुर्घटनामा परि स्याङजा पुतलीबजार ५ बस्ने वर्ष ३६ की सिर्जना नेपाली, स्याङजा पुतलीबजार ५ बस्ने वर्ष १३ का सुबम श्रेष्ठ, स्याङजा पुतलीबजार ५ बस्ने वर्ष ५ का सुरज श्रेष्ठ, काभ्रे चौरीदेउराली ७ बस्ने वर्ष ४० की पुर्व सांसद नविना लामा, काभ्रे खानिखोला ५ मिल्चे बस्ने वर्ष ४० की रचना मगर, काभ्रे खानिखोला ५ मिल्चे बस्ने वर्ष १६ की ईन्जिला सोडारी, दोलखा कालिन्चोक ३ बस्ने वर्ष ३२ की मिना श्रेष्ठ, दोलखा कालिन्चोक ३ बस्ने बर्ष ३५ का गोविन्द श्रेष्ठ, काभ्रे खानिखाला ६ बस्ने वर्ष ३५ का दिपेन्द्र राना, काभ्रे पाँचखाल १२ बस्ने वर्ष ३५ की भक्त कुमारी लामा र काभ्रे बेथानचोक १ बस्ने वर्ष ७४ का सिङताङ तामाङ घाईते भएकाे जिल्ला प्रहरी कार्यालय काभ्रेपलान्चोकले बताएकाे छ ।