विद्युत सर्ट भई आगलागी हुदाँ ७२ लाख बराबरको क्षति
पाँचखाल । पाचँखाल नगरपालिका ४ समाजकल्याण चोकस्थित बस्ने उदब प्रसाद तिमल्सिनाको घरको सटरमा अचानक विद्युत सर्ट भई आगलागी भएको छ ।
शुक्रबार बिहान आगलागी हुँदा सोही घरमा रहेको ९ सटर मध्ये ४ वटा कपडा पसल पूर्ण रूपमा जलेर नष्ट भएको, ३ वटा होटल १ मोबाईल पसल र १ मासु पसल सटरमा अंशिक क्षति भएको प्रहरीले जनाएको छ ।
आगलागीबाट मानवीय क्षति भने नभएको र उक्त आगो नेपाल प्रहरी, एपीएफ, स्थानीय र दमकलको सहयोगमा नियन्त्रणमा आएको जिल्ला प्रहरी कार्यालय काभ्रेपलान्चोकले जनाएको छ ।
आगलागीमा अन्दाजी ७२ लाख बराबरको क्षति भएको प्रहरीले बताएको छ ।