ग्यास लिग भई आगोलागि हुदाँ १ करोडकाे क्षति

बनेपा । काभ्रेकाे साँगा स्थित बद्रिनाथ जोशीको घरमा ग्यास लिग भई आगोलागि हुदाँ १ करोडकाे क्षति भएको छ ।

बिहिबार बिहान आगोलागि हुदाँ घर सहित अन्दाजी १ करोडकाे क्षति भएको अनुमान गरिएको जिल्ला प्रहरी कार्यालय काभ्रेले बताएकाे छ ।

ईट्टा र जस्ताले छाएको ३ तले घरको तेस्रो तल्लाको किचनकोठामा ग्यास लिग भई आगोलागि भएको थियाे । बनेपा, धुलिखेल र भक्तपुर नगरपालिकाको दमकल समेत घटना स्थलमा पुगि उक्त आगो नियन्त्रण लिईएकाे थियाे ।

आगोलागिका कारण मानविय तथा चौपया क्षति नभएको प्रहरीले जनाएकाे छ ।