काभ्रेको धुलिखेलमा जुवातास खेलिरहेका १३ जना प्रहरीकाे नियन्त्रणमा
धुलिखेल । काभ्रेकाे धुलिखेल नगरपालिका वडा नम्बर ४ स्थित युनिक भोजनालयमा जुवातास खेलिरहेका १३ जनालाई प्रहरीले नियन्त्रणमा लिएकाे छ ।
प्रहरीले शुक्रबार युनिक भोजनालयको कोठा नम्बर १०१ मा मानिसहरु जम्मा भई जुवातास खेलिरहेको अवस्थामा काठमाण्डौ उपत्यका अपराध अनुसन्धान कार्यालयबाट खटिएका प्रहरीकाे टाेलिबाट प्राप्त भएको गोप्य सूचनाको आधारमा जिल्ला प्रहरी कार्यालय काभ्रेपलाञ्चोकबाट उक्त स्थानमा प्रहरी अधिकृतको कमाण्डमा खटिएको प्रहरी टोलिले खानतलासी गर्दा तास खेल्ने जुवाखालबाट चार हजार रुपैँया बरामद गरेकाे प्रहरीले जनाएकाे छ ।
प्रहरीले जुवातास खेल्ने १३ जना मानिसहरु नियन्त्रणमा लिई खानतलासि गर्दा सबैको साथमा भएको जम्मा गर्दा नगद चार लाख बयालिस हजार तिन सय पँचास रुपैँया बरामद गरेकाे बताएकाे छ ।
जिल्ला प्रहरी कार्यालय काभ्रेका अनुसार उनीहरकाे बारेमा थप अनुसन्धान कार्य भईरहेको छ ।