चैत १५ गतेदेखि एसईई परीक्षा
भक्तपुर । राष्ट्रिय परीक्षा बोर्डको आईतवार बसेको बैठकले यस वर्षको माध्यमिक शिक्षा (एसईई) परीक्षा आगामी चैत्र १५ गते देखि २७ गतेसम्म सञ्चालन गर्ने निर्णय गरेको छ ।
यो वर्षको एसईई परीक्षाका लागि ४ लाख ८९ हजार ४ सय ४४ जनाले रजिष्ट्रेसन फाराम भरेका छन् । तीमध्ये २ लाख ४६ हजार चार छात्र र २ लाख ४३ हजार ४ सय ४० छात्राले रजिष्ट्रेसन फाराम भरेका छन् ।
यो वर्षको परीक्षामा प्रत्येक विषयमा न्यूनतम ३५ प्रतिशत ल्याउनै पर्ने व्यवस्था गरेको राष्ट्रिय परीक्षा बोर्डले जनाएकाे छ ।