अरनिको राजमार्ग अन्तर्गत धुलिखेलमा सवारि दुर्घटना हुदाँ ४ जना घाइते
धुलिखेल । काभ्रेपलानञ्चोक जिल्लाकाे धुलिखेलमा सवारि दुर्घटना भएकाे छ ।
धुलिखेल नगरपालिका वडा नम्बर ४ स्थित अरनिको राजमार्गमा धुलीखेलबाट बनेपातर्फ जादैं गरेको बा प्र. ०१-२५ च ८४२५ नम्बरको कारले धुलिखेलबाट बनेपातर्फ जादैं गरेको बा ८५ प ६५०६ नम्बरको स्कुटरलाई ठक्कर दिई सोही कारले धुलिखेल ३ बासघारी स्थित अरनिको राजमार्गमा बनेपाबाट धुलिखेलतर्फ आउदै गरेको बा प्र ०१-२४ च ९४८५ नम्बरको योद्दा पिकअप गाडिलाई समेत ठक्कर दिई दुर्घटना हुदाँ ४ जना घाइते भएका छन् ।
घाइतेहरुलाई उपचारको लागी धुलिखेल अस्पताल पठाएको जिल्ला प्रहरी कार्यालय काभ्रेपलानञ्चोकले जनाएकाे छ । तीन ओटै सवारि साधनामा क्षती भएको प्रहरीले जनाएकाे छ । साथै, तीन वटै सवारी साधन प्रहरीको नियन्त्रणमा रहेको र बाटो अबरोध नभएको प्रहरीले जनाएकाे छ । यस्तै, योद्दा पिकअप चालकलाई केही नभएकाे पनि प्रहरीले बताएकाे छ ।
घाईतेहरू सम्बन्धि विवरण निम्नानुसार छ :
स्कुटर चालक –जिल्ला काभ्रे पनौती न.पा.११ बस्ने बर्ष २८ को मनोज तामाङ ( दुबै हात र अनुहारमा चोट: अबस्था मध्यम, धुलिखेल अस्पतालमा उपचार हुदै )
कार चालक -जिल्ला काभ्रे धुलिखेल न.पा.३ बस्ने बर्ष अ. ४० को पारस श्रेष्ठ ( दुबै खुट्टामा र अनुहारमा चोट: अबस्था मध्यम, धुलिखेल अस्पतालमा उपचार हुदै )
कारमा सवार -जिल्ला काभ्रे नमोबुद्ध न.पा.वडा न. नखुलेको अ.बर्ष २२ कि लक्ष्मी गजमेर (दाहिने खुट्टा फ्याक्चर र टाउकोमा चोट: अवस्था गम्भिर )
योद्दा गाडिमा सवार –भारत घर भएको बर्ष अ.२५ को जिनु साहा (अनुहार र टाउकोमा चोट: अबस्था मध्यम, धुलिखेल अस्पतालमा उपचार हुदैं )