मापसे गरि बाटो अबरुद्ध गर्ने एम्बुलेन्स चालक पक्राउ
धुलिखेल । मादक पदार्थ सेवन (मापसे) गरी बाटो अबरुद्ध गर्ने एम्बुलेन्स चालकलाई प्रहरीले पक्राउ गरेकाे छ ।
प्रहरीले काभ्रेपलाञ्चोक जिल्लाकाे धुलिखेल ८ तिरतिरे भिर स्थित अरनिको राजमार्गमा धुलिखेल नगरपालिका ५ का १९ वर्षिय अभिषेक तोलाङ्गेलेलाई पक्राउ गरेकाे हाे ।
सदभाव सामुदायिक हस्पिटल बनेपा नगरपालिका ४ को बा १५ च २७७४ नम्बरको एम्बुलेन्स मादक पदार्थ सेवन गरी चलाई बाटो अबरुद्ध गर्न खोज्दा सम्झाइबुझाई गर्ने प्रहरीलाई समेत अभद्र व्यवहार गरेकाेले तोलाङ्गेलाई पक्राउ गरिएकाे जिल्ला प्रहरी कार्यालय काभ्रेपलाञ्यचाेकले बताएकाे छ । प्रहरीले तोलाङ्गेलाई गए राति साढे १० बजे पक्राउ गरेकाे हाे ।
साथै, पक्राउ परेका तोलाङ्गे बिरूद्ध ७ दिन म्याद थप गरि अनुसन्धान भइरहेकाे प्रहरीले बताएकाे छ ।