काभ्रेको बनेपा चारदोबाटोबाट स्कुटर चोरी गर्ने धादिङमा पक्राउ
बनेपा । काभ्रेपलाञ्चोक जिल्लाकाे बनेपा चारदोबाटो चोकबाट हराएको स्कुटर चोरी गर्नेलाई प्रहरीले धादिङमा पक्राउ गरेकाे छ ।
गत शुक्रवार बनेपा नगरपालिका वडा नम्बर ७ स्थित चारदोबाटो चोकबाट पार्किङ गरेको स्थानबाट बा.प्र.०२-०२५ प ५५९५ नम्बरको रातो रङ्गको होण्डा DIO कम्पनिको स्कुटर हराएकाेममा सो क्षेत्र आसपासका सि.सि. क्यामेराको फुटेजको सुक्ष्म विश्लेषण तथा अनुसन्धान पश्चात उक्त स्कुटर चोरी गरी लाने ब्यक्तिको पहिचान गरी खोजतलास गर्ने सन्दर्भमा गत १२ गते धादिङ जिल्लाकाे थाक्रे गाउँपालिका वडा नम्बर ६ महादेववेशीबाट धादिङ प्रहरीसंगको समन्वयमा उक्त स्कुटर चोरीमा संलग्न सर्लाही जिल्ला लालबन्दी नगरपालिका वडा नम्बर ११ बस्ने वर्ष २२ को बिष्णु भट्टराईलाई पक्राउ गरिएकाे जिल्ला प्रहरी कार्यालय काभ्रेपलाञ्चोकले बताएकाे छ ।
प्रहरीका अनुसार स्कुटर चोरी गर्ने भट्टराईलाई जिल्ला अदालत काभ्रेपलाञ्चोकबाट ५ दिनको म्यादथप अनुमति भई थप अनुसन्धान कार्य भई रहेको छ । साथै, प्रहरीले चाेरी भएकाे स्कुटर बरामद गरेकाे जनाएकाे छ ।