खैरो हिरोईनसहित १ जजा पक्राउ
पनाैति । काभ्रेपलाञ्चोक जिल्लाकाे पनाैतिबाट प्रहरीले खैरो हिरोईन र नगदसहित एक जना पक्राउ परेका छन् ।
पनौती नगरपालिका ५ नैकिङटार बस्ने अन्दाजी वर्ष ४१ को नकुल प्रसाद तिमल्सिनाको घरमा लागूऔषध लुकाई छिपाई राखेको छ भन्ने गोप्य सुचनाको आधारमा लागूऔषध ब्यूरोबाट खटिएको प्रहरी टोली, जिल्ला प्रहरी कार्यालय (जि.प्र.का.) काभ्रेपलाञ्चोक र ईलनका प्रहरी कार्यालय (ई.प्र.का) बनेपाबाट संयुक्तरूपमा खटि गएको प्रहरी टोलीले खानतलासी गर्दा निजको घरमा फ्रिज भित्र लुकाई छिपाई राखेको अन्दाजी ३८ ग्राम खैरो हिरोईन जस्तो देखिने पदार्थ फेला पारेकाे जि.प्र.का काभ्रेपलाञ्चोकले जनाएकाे छ ।
लागूऔषध ब्यूरोमा लागु औषध खैरो हेरोईन सहित पक्राउमा परेका मनोज जोसिले सोधपुछका क्रममा आफ्नो साथबाट बरामद भएको लागु औषध खैरो हेरोईन पनाैतिका नकुल प्रसाद तिमिल्सिनासँग खरिद गरी ल्याएको हो भनि बताए पश्चात् प्रहरीले खानतलासी गर्दा निजको घरमा फ्रिज भित्र लुकाई छिपाई राखेको खैरो हिरोईन जस्तो देखिने पदार्थ फेला पारी निज नकुल तिमल्सिनालाई समेत नियन्त्रणमा लिएकाे प्रहरीले बताएको छ ।
प्रहरीले घरकोठा खानतलासी गर्दा लागु औषध खैरो हेरोईन जस्तो देखिने -३८ ग्राम, डिजिटल तराजु थान १, नगद ३० हजार र नागरिकता को प्रमाण पत्र थान १ र मोबाईल थान २ फेला पारेकाे जनाएकाे छ ।
प्रहरीका अनुसार अनुसन्धानको लागि तिमल्सिनालाई ई.प्र.का. बनेपामा ल्याइएको छ ।