प्रदेश नं. १ द्वारा बागमती पराजित
काठमाडौं । काठमाडौंमा जारी प्रधानमन्त्री कप एकदिवसीय क्रिकेटमा प्रदेश नं. १ द्वारा बागमती ६९ रनले पराजित भएको छ ।
पहिलो ब्याटिङ गरेको प्रदेश नं. १ को क्रिकेट टोलीले अंकित सुवेदीको १ सय १० र सिद्धान्त लोहनीको ७२ रनको मद्दतले ४९ ओभर ५ बलमा ३ सय ४ रन बनाएको थियो । बागमतीका लागि रामनरेश गिरीले ९ ओभर ५ बलमा ४२ रन खर्चेर ५ विकेट लिएका थिए ।
जवाफी ब्याटिङ्ग गरेको बागमती क्रिकेट टोली ४५ ओभर ५ बलमा २ सय ३५ रन समेटिएको थियो । श्रवण यादवले ४४ रन खर्चेर ३ विकेट र सिद्धान्त लोहनीले ३६ रन खर्चेर २ विकेट लिएपछि बागमती ६९ रनले पराजित भएको हो । बागमतीका लागि नन्दन यादवले ४३ र इसान पाण्डेले ३५ रनको योगदान दिएका थिए ।