नेपाल टीट्वान्टी लिगको खेल तालिका सार्वजनिक
काठमाडौं । नेपाली क्रिकेटलाई अझै माथि उकास्न र नेपालभित्र छरिएर रहेका क्रिकेट खेलाडीहरुलाई एकछत्रमा ल्याउन आयोजना गरिएको नेपाल टीट्वान्टी लिगको खेल तालिका सार्वजनिक भएको छ ।
आगामी मंसिर २६ गतेदेखि सुरु हुने लिग खेलमा दिनको २ वटा खेल खेलाइनेछ । पहिलो खेल बिहान ९ः१५ बजे र दोस्रो खेल दिउँसो १ः१५ बजेदेखि सुरु हुनेछ भने दुवै खेल त्रिभुवन विश्वविद्यालय अन्तर्राष्ट्रिय क्रिकेट मैदानमा खेलाइनेछ ।
लिगमा काठमाडौं गुर्खाज्, पोखरा एभेन्जर्स, जनकपुर रोयल्स, फारवेस्ट युनाइटेड, लुम्बिनी अल स्टार,विराटनगर सपर किंग्स लगायतको सहभागिता रहनेछ । पहिलो खेल मंसिर २६ गते बिहान ९ः१५ बजे काठमाडौं गुर्खाज् र पोखरा एभेन्जर्स बीच हुनेछ । लिग खेल पुस ११ गतेसम्म् चल्नेछ भने प्रतियोगिताको फाइनल खेल पुस १६ गते हुनेछ।
यसअघि एभरेष्ट प्रिमियर लिगको नामबाट खेलाइँदै आएको लिगलाई रोकेर नेपाल क्रिकेट संघ (क्यान) ले नेपाल टीट्वान्टी खेलाउन सुरु गरेको हो ।
पूर्ण खेलतालिका निम्नानुसार रहेको छः
